أنا عندي جنّية

أنا عندي جنّية

أنا عندي جنيّة

آه .. 

جنّية

معاها عصايا سحرية

أيوا يا جماعة ..

سحرية

مش مصدقين ؟!!

طبعًا ..

ما هي مش حاجة عادية


أنا بتكلم بجد
صدقوني
دي حكاية حقيقية


فاكرينها ؟!!
من زمان
كانت حكاية .. بقت منسية

عارفين بتعمل إيه ؟!

حاجات كتيييييير

مش طبيعية

بتاخدني بعييييد عن هنا

هيا لمسة واحدة

بعصايتها الدهبية

وأطلع معاها القمر

ألمس نجوم السما

في لحظة بإيديا

وأروح بعد البحور

أشوف عجايب

كتير مخفية

يوم ما أطلب منها وردة

تجيب لي بسرعة

صحبة متنقية

ولو سرحت شوية واتمنيت

ألاقيها في ثانية واحدة ..

حققتلي الأمنية

لكن حاجة واحدة

لو طلبتها

متعرفش تعملها هيا

كل ما أقولها عاوزة حبيبي

تقولي كله يهون

إلا الحاجة ديا

أنا أصلي يادوب جنّية

بعمل حاجات كتير

بس خيالية

أما حبيبك ياغالية

ناديه بقلبك

يجيلك بشوق وحنية

أصل الحب ده شيء غالي

ما تقدر عليه أبدًا

عصايا سحرية

★

★

★

أَتَمَنَّىْ أَنْ تُعْجِبَكُمْ كَلِمَاتِيْ
وَلَكُمُ دَوْما خَالِصٍ تَحِيَّاتِيْ

الْقِيْثَارَةْ
سُهَى يَحْيَىَ