بحث هذه المدونة الإلكترونية

السبت، 2 يوليو 2011

حكاية بنت

حكاية بنت



كان فيه زمان بنوتة .. شقية عفروتة
بتحب الحياة كلها .. راضية ومبسوطة
تلعب في وسط أصحابها .. قطقوطة كتكوتة
ماتشيلش للدنيا هم .. ما هي لسه سفروتة
وليها مع كل نسمة .. حكاية وحدوتة
***
وكبرت خلاص البنت .. وكبرت معاها الحكاية
شافت واتعلمت .. حكايتها لسه في البداية
تفرح شوية .. وتحزن شوية .. مشوار مالوش نهاية
ما هي ليها حواديت كتير .. ولا عارفة تقول كفاية
يمكن تقدر تعدي .. وتكون أسعد الصبايا
 ***
فاتت أيام كتير .. والحلم لسه مجاش
بس عندها أمل .. تروحله ومتستناش
وأهي لسه برضه بتحلم .. ما هي الأحلام ببلاش
أصلها عارفة الحياة .. من غير الحلم ماتسواش
فقررت تفضل تحلم .. حتى لو الحلم .. مانتهاش

***

أروع ما قد يكون في الحياة أن نحلم
والأروع لو تحقق الحلم
فهل منكم مَنْ مازال يعيش في أحلامه ؟!






أتمنى أن تعجبكم كلماتي
ولكم دومًا خالص تحياتي


القيثارة
سهى يحيى


أول نشر
بتاريخ : 15/09/2010 01:04:00 م
على الرابط

هناك تعليق واحد:

  1. عزيزتى شرفنى تواجدك فى مدونتى ...مع ان مدونتى فيها لمسه فن الا اننى احب جدا متابعه مدونات النساء الادبيه ليس تحيزا منى ولكن لان المراه تشعر بشعورى وتكتب باحساسها فارجو ان تقبلينى صديقه فى مدونتك ...
    وانا ما زلت احلم ولن اكف عن ذلك لان الحلم هو طريق الخيال نحوالحقيقة...

    ردحذف