بنت مصرية
على اسم مصر الغالية .. سموني مصرية
بنت بلد جدعة .. وعندي شخصية
شديدة وقت الجد .. بس كلي حنية
من الصعب عمري ما أهرب .. ما أنا أصلي عندية
والتاريخ عليا يشهد .. بطولاتي تاريخية
أطير لسابع سما .. وبكل حرية
بس عارفة حدودي صح .. أصلي متربية
ربي وديني ورسولي .. دايمًا في الأولوية
وبلدي عندي دايمًا .. أغلى مني عليا
في المحن دايمًا أسد .. شجاعة وقوية
معرفش طعم الفشل .. وطول عمري أبية
قلبي مسامح وطيب .. دايمًا بنسى الأسية
وأعامل الناس كلها .. بطيبة وحُسن نية
ولما يوم أحب .. ولا أجدع رومانسية
وأكتب في العشق قصة .. في الحب حقيقية
لولادي دايمًا أنا .. الأم المثالية
تعب وسهر ودموع .. غرقانة تضحية
حنية وطيبة وحب .. مليون في المية
وفي شغلي دايمًا جد .. ولا أحب المحسوبية
وبحب أصحابي وأهلى .. وأشيلهم جوا عنيا
قولولي مين زيي .. في الكرة الأرضية
آخد في التميز .. الجايزة العالمية
أصلي مش أي حد .. ده أنا بنت مصرية
مهماكبرتى حتفضلى نونو والبراءة والصفاء مرتبطين بشخصك مع تمنياتى بالتوفيق
ردحذفعندك حق فى كل اللى قولتيه عن خبرة فى الحياة فقد تعاملت مع نساء من جنسيات مختلفة عربى وغير عربى
ردحذففلم أجد أقرب مرأة للكمال إلا المصرية بس المشكلة إن لسانها طويل وإيديها طويلة