مالِك يا أمي .. علينا قاسية كده ؟!
مالِك يا أمي .. علينا قاسية كده ؟!
قسوة ومذلة .. شمّتي فينا العِدا
وولادِك ياعيني .. تبات ليلتها متنكدة
وأنتي شايفة .. وساكتة على كل ده
كنا زمان .. فوق السحاب طايرين
لا يهمنا حد .. ولا للهم شايلين
لا تهزنا محنة .. ولا من الحزن خايفين
كنا زمان لينا هيبة .. كنا قوي عاليين
دلوقتي سيبانا .. نغرق في مواجعنا
ناسيانا ولا حاسة .. عطشنا أو جعنا
ومغرقانا في الهم .. والهم شبّعنا
لا عرفنا يوم نهرب .. ولا للفرحة رجعنا
يا زمان يا ناسينا .. حاول تفكرها
مين اللي كان قائد .. مين اللي عمّرها
مين اللي بعمره .. من الأسر حررها
حلفها واسألها .. مين اللي غيرها !!
إمتى يا غالية .. تحمينا من قسوتِك ؟!
إمتى تسيبينا .. نتهنى بمحبتِك ؟!
تعلي ونعلا سوا .. نفرح على جنتِك
نرقص ويعلى الغنا .. على أنغام ضحكتِك
مستنية منك يا أمي .. تداوي كل الجراح
مستنية وعارفة إنك .. هتعوضي اللي راح
وآلامنا مهما زادت .. هيجي يوم نرتاح
ده الليل مهما طال .. بييجي بعده صباح
أتمنى أن تعجبكم كلماتي
ولكم دومًا خالص تحياتي
وبكل الخير لكم دعواتي
القيثــــــــــــارة
أول نشر بتاريخ : 23/07/2010 08:44:00 م
على الرابط التالي
ليست هناك تعليقات:
إرسال تعليق