بحث هذه المدونة الإلكترونية

السبت، 8 يناير 2011

يا مامي أنا خلاص زهقت

 يا مامي أنا خلاص زهقت



يا مامي إيدي وجعتني .. الواجب أصله كتير
يا حبيبي بلاش دلع .. ده إنت راجل كبير
يا مامي المس عطيانا .. واجب ولا الحمير
يا حبيبي علشان لما تكبر .. تطلع دكتور شهير
يا مامي أنا خلاص زهقت .. من النسخ والتسطير
يا حبيبي إنت خلص .. وبكره هاشتكيها للمدير
يا مامي هو والمس .. الاتنين تبع الوزير
يا حبيبي خلص الواجب .. وعدي اليوم ده على خير
يا مامي مش بيخلص .. وانا عاوز ألعب وأطير
يا حبيبي خلص انت .. وانا اقولك نكت وفوازير
يا مامي أنا لو خلصت .. هاجري انام في السرير
يا حبيبي وبعدين معاك .. الوضع كده خطير
يا مامي أنا خلاص زهقت .. من المدير والمس والوزير

طبعًا كلماتي دي إهداء لناس كتيييييييييير
ولكم جميعًا تحياتي


القيثـــــــارة


*******

أول نشر بتاريخ 22/09/2010 10:06:00 ص
على الرابط التالي

ليست هناك تعليقات:

إرسال تعليق