بلطجية وللا فلول ؟!!
بلطجية ولللا فلول ؟!!
بالزمة ده يرضي مين ؟!!
نار بتولع على طول
وليه ؟!! ياريتنا عارفين
الشارع بقى مشلول
وأدينا إحنا صابرين
يمكن نفهم مين دول ؟!!
وللا على إيه ناويين ؟!!
الثورة إحنا بنقول
وهما للبلطجة عاوزيين
مين قال التخريب مقبول ؟!!
مين قال عنهم فاهمين ؟!!
لأ كده بقى مش معقول
كفايانا خسارة ملايين
حريقة هناك .. وواحد هنا مقتول
كلنا واحد .. وللا يا ناس ناسيين ؟!!
مين عن كل ده مسئول ؟!!
بقينا خلاص تايهيين
يا رب ارزقنا حلول
يا رب جينالك سائليين
ترد الظالم مغلول
وتوحِّدنا ليوم الدين
بدعي ويارب .. دُعايا مقبول
يارب نجي مصر .. والمصريين
***
أَتَمَنَّىْ أَنْ تُعْجِبَكُمْ كَلِمَاتِيْ
وَلَكُمُ دَوْما خَالِصٍ تَحِيَّاتِيْ
الْقِيْثَارَةْ
سُهَى يَحْيَىَ
ليست هناك تعليقات:
إرسال تعليق