راقٍ هو قلبي
الثلاثاء، 2 أكتوبر 2012
الاثنين، 1 أكتوبر 2012
الأحد، 30 سبتمبر 2012
السبت، 29 سبتمبر 2012
الثلاثاء، 25 سبتمبر 2012
طرف رابع
طرف رابع
أنا طرف رابع ياهووو
بس شكلهم كده نسيوه
طرف رابع
ماشي ضايع
حاله يصعب
وطالع عين اللي جابوه
ماشي بتفرج
على ناس وبتهرج
في اللخبطة والهم رموه
دولا طرف أول
دولا الوحشين من الأول
سرقونا وأكلوا اللي خدوه
ودولا طرف تاني
قتلونا غدر يا عيني
والقاتل ... ولا عرفوه
بيقولوا ده التالت
القاتل أبو دم بارد
طب يللا هاتوه ..
وقصاد عيني اعدموه
وقصاد عيني اعدموه
طب عارفين الخامس مين ؟!
دول هما الناس الرايقيين
ده فن وده مغنى
ودولا نخبة وجعوا دماغنا
والله دي عالم فاضيين
ودماغي يا ناس وجعوه
مين حاسس بيا وداري ؟!
في الهم إزاي ناري ؟!
بتزيد .. ولا همي شالوه
والله أنا الرابع
موجود بينكم وسامع
اسمي أهو بتقولوه
أيوا أنا الغلبان
ومن غلبه بقى عنده جنان
نطق الحجر .. قال إلحقوه
بالذمة حد هيلحقني ؟!!
وللا اللي هييجي هيغرقني ؟!!
ويوم ما أصرخ ...
تقولوا بلطجي ..
موّتوه واحرقوه
ده أنا الرابع ياهووه
أيوا أنا الرابع
غلبان وكلي مواجع
بحلم بحقي ألاقيه راجع
شغال وطالع عيني
وبرضه حقي كلوه
أنا العامل .. أنا الزارع
أنا النجار .. أنا الصانع
أنا اللي شايل هم بلادي
ولوحدي بكمل .. مشوار أجدادي مشوه
يا عالم مالهاش حل
أنا قلبي فاض بيه وكل
سايبكم تنادوا بحقي
أتاريكم أصلاً ...
الحق ولا تعرفوه
أنسوني ...
ما أنتوا من الأول ناسيين
صوتي وحقي وحياتي ...
كده كده مني رايحين
بس أنا الرابع يا هووووه
أنا اللي في الأقسام سحلتوه
وأنا اللي في الطوابير بهدلتوه
وأنا اللي في أكله وشربه وصحته أهملتوه
وأنا اللي كل مكان أروحه بتطنشوه
وأنا اللي على ورقة بقرشين علاوة بتعذبوه
وأنا اللي بشكلي المبهدل ولا بتعبروه
وأنا اللي في الأتوبيسات بتحشروه
وأنا اللي في ماتش كورة موّتوه
وأنا اللي لما قال حقي .. في عينه عميتوه
وأنا اللي في الميدان بالغاز خنقتوه
وأنا اللي لما مات .. في الزبالة رميتوه
وأنا اللي وقت الصناديق بس ... بتفتكروه
بالله عليكم ...
لسه ليكم عين اسمي تقولوه ؟!!
فوضت أمري فيكم لربي ..
ومسيركم يوم بكل اللي عملتوه فيا ... هتقابلوه
***
أَتَمَنَّىْ أَنْ تُعْجِبَكُمْ كَلِمَاتِيْ
وَلَكُمُ دَوْما خَالِصٍ تَحِيَّاتِيْ
الْقِيْثَارَةْ
سُهَى يَحْيَىَ
الاثنين، 6 أغسطس 2012
بركانٌ من غضب
بركانٌ من غضب
ربي
بداخلي بركانٌ من غضب
أحترق بكل ما أرى
ظلمٌ وقهر
قتلٌ ودم
شهداء صائمون ... باتوا للغدرِ كبشًا
والجناة واقفون
يشاهدون ومنا يسخرون
ولأعدائنا أعطوا السلاح لقتلنا
ها هم قد جاءونا ركضًا
ومما يخافوا !!
وقد أعطاهم الغادرون سلاح قتلنا
انظر يا مَنْ ترى وتنكر
تلك الدماء الغالية
تلك دماء شهادة حقيقية
تلك الدماء سيسألك عنها الرحمن يومًا
أمازلت تذكر !!
ستقف أمامه تدفع ذنب قتلهم عن نفسك
تنفض أرواحهم التي جاءت لتشهد عليك من حولك
وتبحث عما تغسل به يديك الغارقة بدماءهم والغدر
نعم ...
أنت الغادر
أنت مَنْ باع الغالي بما ليس له ثمنا
أنت المذنب
وحدك أنت
أنسيت كم أقسمت !!!
أمازلت تذكر بمَنْ أقسمت !!!
عجبًا منك وممَنْ بهم أتيت !!!
لم أصدقك يومًا وها أنت اليوم ... كما توقعت
ربي أسألك برحمتك ولطفك
ربي أسألك بقدرتك وعدلك
رد كيد الظالمين عليهم
ربي مَنْ لنا سواك
ربي أنت القادر
ألطف بنا يا لطيف
ارحمنا يا رحمن يا رحيم
ربي أنت حسبنا ونعم الوكيل
ربي أنت حسبنا ونعم الوكيل
ربي أنت حسبنا ونعم الوكيل
***
أَتَمَنَّىْ أَنْ تُعْجِبَكُمْ كَلِمَاتِيْ
وَلَكُمُ دَوْما خَالِصٍ تَحِيَّاتِيْ
الْقِيْثَارَةْ
سُهَى يَحْيَىَ
الجمعة، 1 يونيو 2012
أصعب ما قد يكون
أصعب ما قد يكون
أصعب ما قد يكون
أن تعجز حتى عن السكون
أن ترغب أن تبقى وحدك
وتخشى أن يعلم بسرك الأخرون
أن ترغب في الصراخ
وتخشى أن يسمعك المحيطون
أن ترسم على وجهك ابتسامة
وتقتلك رغبة كي تبكي بجنون
أن تغرق حزنًا بكل بصمت
وتخشى مَنْ حولك .. أن يسمعون
وما نفع الكلمات ؟!!
وكل ما بالقلب .. تصرخ به العيون
تصمت .. وبداخلك ألف آه
لكن من أين لهم لها أن يفهمون !!
فتُخفي نفسك بين الأشياءِ منشغلاً
لتكشفك أشياءك .. وكأنهم بك يشعرون
يا قلبًا يتألم وحيدًا .. لا تبالي
فربك يرحم وهم أبدًا لا يرحمون
ودموعك التي تخفي عذابك
غدًا بأمره سبحانه لن تكون
وعدك الرحمن بيُسرٍ
من بعد عُسرٍ .. لكنهم لا يفقهون
فادعوه دومًا وانتظر
فما عند الله دومًا .. أروع مما يظنون
***
أَتَمَنَّىْ أَنْ تُعْجِبَكُمْ كَلِمَاتِيْ
وَلَكُمُ دَوْما خَالِصٍ تَحِيَّاتِيْ
الْقِيْثَارَةْ
سُهَى يَحْيَىَ
الاشتراك في:
التعليقات (Atom)